5 junio: AMNISTIA EGUN NAZIONALAREN EGITARAUA AURKEZTEKO PRENTSAURREKOA.

77ko Amnistia asteetatik 30 urte igaro dira eta gertaera haiek zein inguratu zituzten testuinguruak esangura handia duela uste dugu Euskal Herriak gaur bizi duen egoeran.

Orduko gertaerak zuzenean bizi izan ditugunok, baita orduan jaio ez baina gaur orduan egindakoaren ondorioak bizi ditugunok ere, gezurrezko demokrazian bizi garenok hain zuzen, Amnistiaren aldeko ekimena bultzatzen dugu.

77an aldaketa politikoa nahi zuen gizarteak eta aldaketa politiko horren ibilbidean amnistia mugarri ezinbestekoa zen. Testuinguru horretan izan ziren Amnistia asteak.

Amnistiarik ez zen egon eta aldaketa benetakorik ere ez. Indultua “amnistiaren lege” izenarekin jantzi zuten eta erregimen frankistaren zutabeak aldatzen ez zituen estatusaren mantenuari “demokraziaren erreforma” deitu zioten.
Amnistia ez zen egon, arrazoi nabarmenengatik:

- Preso eta iheslariak izateko arrazoiak bere horretan mantendu zirelako, segituan betez kartzela eta erbestea euskal militante eta errepresaliatuez.
- Indultuak bilatzen zituen irtenbide pertsonalen itzalean ezkutatu nahi izan zuten irtenbide benetakoa eman ez izana.

Hau guztia inposizioaren bidetik gauzatu zen. Herri aldarrikapenei entzun gor eginez eta herriaren hitza ahalbidetu gabe.

77 eta 07ko gaurko egoerek badute antzekotasunik. Orduan eman ez zen aldaketa politikoa eta amnistiak, gaurko egoera esplikatzen dute. Gaur indarrean diren aldarrikapen eta premiak dira.

Orduko akatsa berriro ez errepikatzea funtsezkoa ulertzen dugu eta jarrera politikoak norabide berri batean jarri behar dira horretarako. Gatazka konpontzen ez duten eztabaida eta posizioak alboratuz.

Euskal Herriak amnistia behar du. Aldarrikapen guztiz demokratikoa da eta konponbide ibilbide batean ezinbesteko mugarri ulertzen dugu.

- Egitaraua

FORU PLAZAN:
- 11:00 Herri kirolak
MUSIKA PLAZAN:
- 12.00 Bertsolariak- 13.00 Ekitaldi politikoa- 18:30 Rock Kontzertua (Betagarri eta Sagarroi)
KOLDO MITXELENA PLAZAN
- 12.00 Txan Magoa- 14.30 Bazkari Herrikoia - 17.00 Berbena (Estanga Anaiak)
ORERETA IKASTOLA
- Haurren gunea egun osoan zehar
XENPELAR KULTUR ARETOA
- Erakusketa eta DVD emanaldia egun osoan zehar
KALE ANIMAZIOA
- Trikitilariak, dultzaineroak, txaranga, batukada, zankoak, buruhandiak...
POLIGONOAN:
- Parking -a autobus eta kotxeentzat.

http://www.youtube.com/watch?v=BddZMKrDrQk

5 de mayo: ETA rompe la tregua

ETAk, nazio askapenerako euskal erakunde sozialista iraultzaileak, ondorengoaren berri eman nahi die euskal herritarrei:
Argipen garaiak dira. Euskal Herriak egungo zatiketa instituzionala gainditu eta Estatu independiente bat eraikitzeko urratsak eman nahi ditu. Milaka boz aldaketa politiko eta sozialaren alde, milaka ahots herri honen etorkizunaren alde. ETAk ere herri honen askapen prozesuaren alde egiten du. Prozesu horren amaiera dudarik gabe Euskal Herria izeneko Estatu independiente bat izango da, baina horretara iristeko, Nafarroa, Araba, Bizkaia eta Gipuzkoa barnebiltzen dituen marko bakar bat batetik eta Lapurdi, Nafarroa Beherea eta Zuberoa bilduko dituen beste bat lortu beharko dira. Finean, zazpiak bat, gure herriaren geroa eraiki dezagun. Argi baitago orain arteko sasi irtenbideek ez garamatzatela inora. Etorkizuna gure esku dago eta lortuko dugu.
Mozorroak kendu dira. Zapateroren talantea alderdiak eta herritarrak eskubiderik gabe uzten dituen faxismoan bihurtu da. Baina ez dira bakarrak. Iraina hitzetik hortzera, diru gosea ase ezinik ari diren PNVko burukideei ere estalkia erori zaie. Herrien askatasunak, zoritxarrez, traizioa du sarritan etsai. Euskal Herriaren defentsan, geroaren eraikitzean, erabaki irmoak hartu behar diren bakoitzean iruzur egin izan dute. Oraingoan, ordea, herritarrek ez diete espainolismoaren babespean herri honen sufrimendua elikatzen jarraitzeko txeke zuririk eman. Herri eskubideen zanpanketen arduradunak baizik ez dituzte «seduzitu», ez demokrazian eta askatasunean bizi nahi dugun euskaldunok.
Herritarrok demokrazia eza pairatzen dugu. Euskal Herriaren aurkako erasoak desagertu ordez, areagotzen eta larriagotzen ari dira. Milaka herritar eta prozesuaren aktibo nagusia den ezker abertzalea hauteskunde antidemokratiko hauetatik at utzi ditu Espainiako Justiziak. Egun Euskal Herrian bizi dugun egoera salbuespen egoera da. Igaro berri diren hauteskundeak zilegitasunik gabekoak dira. ETAk eskaini ekintza armatuen etenaldi iraunkorrari, atxiloketa, tortura eta mota guztietako jazarpenarekin erantzun dio Espainiako Gobernuak. Negoziaketa prozesu batean aritzeko behar diren baldintza demokratiko minimorik ez dago. Haatik, Euskal Herriaren oraina eta geroa bermatzeko gako politikoak begien bistan ditugu: autodeterminazioa eta lurraldetasuna, eta milaka eta milaka herritarrek erein berri duten haziak uzta oparoa ekarriko dio gure herriari.
Anartean, armaz erasotua den herria, armaz defendatzeko erabakia berresten dugu.
Herritar orori demokrazia faltsu eta ustel honi oldartzera eta Euskal Herria izeneko Estatu libro baten eraikuntzan lanean tinko murgiltzera dei egiten diogu. Norbera bere eremuan eta ahalen arabera. Eskuzabal eta elkarren ondoan.
Azkenik, ETAk su-etenaldi iraunkorra bertan behera uzten duela eta 2007ko ekainaren 6ko 00.00etatik aurrera Euskal Herriaren defentsan fronte guztietan aritzeko erabakia hartu duela adierazi nahi du.
Gora Euskal Herria askatuta!
Gora Euskal Herria sozialista!
Jo eta ke independentzia eta sozialismoa lortu arte!
Euskal Herrian,
2007ko ekainean
Euskadi Ta Askatasuna